బాహు బలంన్యూస్ హుజూరాబాద్, అక్టోబరు 10:కుల మతాలకతీతంగా ఆర్థిక ప్రాతిపదికన అన్ని వర్గాల పేదలకు విద్యా, ఉద్యోగ, ఉపాధి రంగాల్లో సమన్యాయం కల్పించడమే ధ్యేయంగా ఉద్యమం చేపడుతున్నామని ఓసీ జేఏసీ రాష్ట్ర మహిళా అధ్యక్షురాలు పూసల ప్రభావతి రెడ్డి తెలిపారు. శనివారం హుజూరాబాద్‌లో విడుదల చేసిన ఒక ప్రకటన ద్వారా ఆమె మాట్లాడారు. కేంద్ర ప్రభుత్వం ఆర్థిక ఆధారిత రిజర్వేషన్ల కోసం తక్షణమే ప్రత్యేక చట్టం తీసుకురావాలని ఆమె డిమాండ్ చేశారు.
తాము ఏ సామాజిక వర్గానికీ, మతానికీ వ్యతిరేకం కాదని.. కుల మతాలకు అతీతంగా అన్ని వర్గాల్లోని పేదలకు సమాన అవకాశాలు లభించాలన్నదే తమ ముఖ్య ఉద్దేశమని ఆమె స్పష్టం చేశారు. ఆర్థిక ఆధారిత రిజర్వేషన్ల సాధన కోసం సామాజిక ఉద్యమకారుడు ప్రవీణ్ అరోరా ఆధ్వర్యంలో ఢిల్లీలోని రాజ్‌ఘాట్ నుంచి చేపట్టిన దేశవ్యాప్త రథయాత్రకు సంపూర్ణ మద్దతు ఇస్తున్నట్లు తెలిపారు. ఈ నెల 26వ తేదీన పరకాలలో ఓసీ జేఏసీ, బహుజన కుల సంఘాల ఆధ్వర్యంలో పార్టీలకతీతంగా భారీ బహిరంగ సభ నిర్వహిస్తున్నట్లు వెల్లడించారు. ఈ కార్యక్రమంలో పలువురు ప్రతినిధులు, నాయకులు పాల్గొన్నారు
