బాహు బలంన్యూస్ హుజూరాబాద్, : బీసీ సంక్షేమ సంఘం తెలంగాణ రాష్ట్ర ప్రచార కార్యదర్శిగా హుజూరాబాద్ మండలం సిర్సపల్లి గ్రామానికి చెందిన కందికొండ మొగిళి నియమితులయ్యారు. బీసీల సామాజిక, రాజకీయ చైతన్యం మరియు వారి సమస్యల పరిష్కారం కోసం ఆయన చేస్తున్న కృషిని గుర్తించి, సంఘం జాతీయ అధ్యక్షుడు, రాజ్యసభ సభ్యుడు ఆర్. కృష్ణయ్య ఆదేశాల మేరకు ఈ నియామకం చేపట్టారు. ఈ మేరకు సంఘం జాతీయ ప్రధాన కార్యదర్శి గొర్ల అయిలేశ్ యాదవ్ మంగళవారం నియామక ఉత్తర్వులు జారీ చేశారు.
ఈ సందర్భంగా మొగిళి మాట్లాడుతూ.. తనపై నమ్మకంతో ఈ బాధ్యతను అప్పగించిన ఆర్. కృష్ణయ్య, గొర్ల అయిలేశ్ యాదవ్, జాతీయ ఉపాధ్యక్షుడు పులవేని పోచమల్లు యాదవ్, రాష్ట్ర ఉపాధ్యక్షుడు కాసగోని కిరణ్, రాష్ట్ర అధికార ప్రతినిధి మేడిచల్మి నర్సింహా, సందెపట్ల జనార్దన్లకు కృతజ్ఞతలు తెలిపారు. రాష్ట్ర స్థాయిలో బీసీల సమస్యల పరిష్కారానికి కృషి చేస్తానని, బీసీలను సంఘటితం చేసి చట్టసభల్లో రిజర్వేషన్ల సాధన కోసం ఉద్యమిస్తానని ఆయన పేర్కొన్నారు.










