బాహు బలంన్యూస్ సైదాపూర్, ఆగస్టు 12: సైదాపూర్ మండలంలోని గర్రెపల్లి నూతన గ్రామపంచాయతీ తొలి సర్పంచ్ మచమల్ల శ్రీకాంత్ జన్మదిన వేడుకలు బుధవారం ఘనంగా జరిగాయి. ఈ కార్యక్రమానికి ముఖ్య అతిథులుగా సిద్దిపేట ఎమ్మెల్యే, మాజీ మంత్రి తన్నీరు హరీశ్రావు, హుస్నాబాద్ మాజీ ఎమ్మెల్యే ఒడితల సతీష్కుమార్ హాజరై, శ్రీకాంత్తో కేక్ కట్ చేయించి శుభాకాంక్షలు తెలియజేశారు.
గ్రామాభివృద్ధికి కృషి చేయాలి
ఈ సందర్భంగా మాజీ ఎమ్మెల్యే సతీష్కుమార్ మాట్లాడుతూ… అతి చిన్న వయసులోనే సర్పంచ్గా ఎన్నికై బాధ్యతలు చేపట్టడం అభినందనీయమన్నారు. ప్రజల నమ్మకాన్ని నిలబెట్టుకుంటూ గర్రెపల్లి గ్రామ సమగ్ర అభివృద్ధికి నిరంతరం కృషి చేయాలని మాజీ మంత్రి హరీశ్రావు ఆకాంక్షించారు.
అభిమానులు, నాయకుల సందడి
ఈ వేడుకల్లో బీఆర్ఎస్ సైదాపూర్ మండల ప్రజాప్రతినిధులు, సర్పంచ్లు, ఉప సర్పంచ్లు, మాజీ ఎంపీపీలు, జడ్పీటీసీలు, గ్రామ నాయకులు పెద్ద సంఖ్యలో పాల్గొని సర్పంచ్ శ్రీకాంత్కు పుట్టినరోజు శుభాకాంక్షలు తెలిపారు.
