( బాహుబలి ప్రతినిధి వెంకటేష్ )
హన్మకొండ జూన్ 06.
ఓరుగల్లు కళలకు పుట్టినిల్లు అని,ఎందరో గొప్ప కళాకారులకు ఇది నిలయమని నూతన గాయనీ గాయకులకు తగిన మెళకువలు నేర్పి ప్రోత్సహించాలన్న సంకల్పంతో త్వరలో "చక్రి సంగీత ప్రియులు"అన్న పేరుతో కరోకే క్లబ్ హన్మకొండలో ప్రారంభించనున్నట్లు క్లబ్ బాధ్యులు తెలిపారు. గురువారం జరిగిన ఒక సమావేశంలో క్లబ్ అధ్యక్షులుగా సీనియర్ గాయకులు,ట్రాక్ ఎక్స్పర్ట్ టీవీ రమేష్, ప్రధాన కార్యదర్శిగా ప్రముఖ సామాజికవేత్త నిమ్మల శ్రీనివాస్, కోశాధికారిగా సాగంటి ఆర్ట్స్ అకాడమీ డైరెక్టర్ సాగంటి మంజుల,ఎగ్జిక్యూటివ్ మెంబర్లుగా వి.మాధవి,చెట్టిపల్లి దేవికలు గా వ్యవహరిస్తారని క్లబ్ బాధ్యులు తెలిపారు.అతి త్వరలో సంగీత ప్రముఖుల సమక్షంలో చక్కటి సంగీత విభావరి నిర్వహించనున్నట్లు వారు తెలిపారు.ఈ క్లబ్ లో సభ్యులుగా చేరదలిసిన ఔత్సాహిక గాయనీగాయకులు 81436 43337,98665 99238 లో సంప్రదించవచ్చునని వారు తెలిపారు.