రాంపూర్‌లో బతుకమ్మ వేడుకలకు ముమ్మర ఏర్పాట్లు. ఘాట్ల వద్ద పారిశుద్ధ్యం, విద్యుద్దీపాల పనులు ప్రారంభం. హాజరైన సర్పంచ్ ముషం సంగీత, ఉప సర్పంచ్ వన్నాల శివాజీ.

bahubalamtv Reporter

bahubalamtv.in

రాంపూర్‌లో బతుకమ్మ వేడుకలకు ముమ్మర ఏర్పాట్లు. ఘాట్ల వద్ద పారిశుద్ధ్యం, విద్యుద్దీపాల పనులు ప్రారంభం. హాజరైన సర్పంచ్ ముషం సంగీత, ఉప సర్పంచ్ వన్నాల శివాజీ.

బాహు బలంన్యూస్ హుజూరాబాద్,:
తెలంగాణ సాంస్కృతిక ప్రతీక అయిన సద్దుల బతుకమ్మ పండుగను పురస్కరించుకుని హుజూరాబాద్ మండలం రాంపూర్ గ్రామంలో ఏర్పాట్లు ముమ్మరంగా సాగుతున్నాయి. మహిళలు ఎటువంటి అసౌకర్యానికి గురికాకుండా బతుకమ్మ సంబరాలను ఘనంగా జరుపుకునేందుకు పంచాయతీ పాలకవర్గం ప్రత్యేక చర్యలు చేపట్టింది.
స్థానిక ఎమ్మెల్యే పాడి కౌశిక్ రెడ్డి ఆదేశాల మేరకు, కరీంనగర్ జిల్లా పంచాయతీ అధికారి (డీపీవో) వి. జగదీశ్వర్, హుజూరాబాద్ మండల పంచాయతీ అధికారి (ఎంపీవో) టి. సునీత, గ్రామ కార్యదర్శి ఎస్. మహేందర్ రెడ్డి పర్యవేక్షణలో గ్రామంలోని ప్రధాన బతుకమ్మ ఘాట్ల వద్ద అభివృద్ధి పనులను ప్రారంభించారు. ఘాట్లకు వెళ్లే మార్గాల్లో కంపచెట్లను తొలగించి, పరిసరాలను శుభ్రం చేయిస్తున్నారు. రాత్రివేళల్లో మహిళలకు ఎలాంటి ఇబ్బందులు తలెత్తకుండా ఘాట్ల ప్రాంగణాల్లో విద్యుద్దీపాలు (లైటింగ్), తాగునీటి సౌకర్యాలను యుద్ధప్రాతిపదికన ఏర్పాటు చేస్తున్నారు.
ఈ సందర్భంగా గ్రామ సర్పంచ్ ముషం సంగీత, ఉప సర్పంచ్ వన్నాల శివాజీ మాట్లాడుతూ.. గ్రామంలో బతుకమ్మ పండుగను భక్తిశ్రద్ధలు, ఉత్సాహభరిత వాతావరణంలో జరుపుకోవాలని పిలుపునిచ్చారు. ఎలాంటి లోటుపాట్లు లేకుండా అన్ని ఏర్పాట్లు పూర్తి చేస్తున్నామని తెలిపారు. ఈ కార్యక్రమంలో గ్రామ పంచాయతీ వార్డు సభ్యులు, పంచాయతీ సిబ్బంది, గ్రామ ప్రముఖులు పాల్గొన్నారు.