బాహు బలంన్యూస్ హుజురాబాద్,:
హుజురాబాద్ పురపాలక సంఘం పరిధిలోని బోర్నపల్లి ముదిరాజ్ సంఘం నూతన కార్యవర్గ ఎన్నికలు ఉత్సాహభరిత వాతావరణంలో జరిగాయి. ఈ ఎన్నికల్లో సంఘం డైరెక్టర్గా గంట శ్రీనాథ్ ఘన విజయం సాధించారు. ఈ సందర్భంగా హుజురాబాద్ పట్టణ మహిళా కాంగ్రెస్ అధ్యక్షురాలు యేముల పుష్పలత ఆధ్వర్యంలో నాయకులు శ్రీనాథ్ను శాలువాతో ఘనంగా సన్మానించి శుభాకాంక్షలు తెలియజేశారు.
ఈ సందర్భంగా పట్టణ మహిళా కాంగ్రెస్ అధ్యక్షురాలు యేముల పుష్పలత మాట్లాడుతూ.. గంట శ్రీనాథ్ ముదిరాజ్ సంఘం డైరెక్టర్గా ఎన్నిక కావడం ఎంతో సంతోషకరమని హర్షం వ్యక్తం చేశారు. నిరంతరం ప్రజాసేవలో ముందుంటూ, అందరి మన్ననలు పొందుతున్న శ్రీనాథ్ నాయకత్వంలో ముదిరాజ్ సంఘం మరింత ముందుకు సాగుతుందని ఆశాభావం వ్యక్తం చేశారు. సంఘ సభ్యుల సంక్షేమానికి, ముదిరాజ్ సోదరుల సమస్యల పరిష్కారానికి ఎల్లప్పుడూ అండగా ఉంటూ శక్తివంచన లేకుండా పనిచేయాలని ఆమె ఆకాంక్షించారు.
అనంతరం నూతన డైరెక్టర్ గంట శ్రీనాథ్ మాట్లాడుతూ.. తన ఎన్నికకు సహకరించిన ప్రతి ఒక్కరికీ కృతజ్ఞతలు తెలుపుతూ, సంఘ అభివృద్ధికి నిరంతరం శ్రమిస్తానని హామీ ఇచ్చారు.
ఈ కార్యక్రమంలో వ్యవసాయ మార్కెట్ కమిటీ (AMC) డైరెక్టర్ పానుగంటి కిరణ్ రెడ్డి, బీసీ సెల్ అసెంబ్లీ చైర్మన్ కుర్ర శ్రీనివాస్ గౌడ్, జూపాక సమ్మక్క-సారలమ్మ ఆలయ కమిటీ చైర్మన్ దాసరి సదానందం, సీనియర్ కాంగ్రెస్ నాయకులు ఉట్ల రత్నాకర్ రెడ్డి, గంట కొమురయ్య తదితరులు పాల్గొన్నారు.
