బాహు బలంన్యూస్ హుజూరాబాద్‌, సెప్టెంబర్,14; :హుజూరాబాద్‌ అసెంబ్లీ నియోజకవర్గ టీఆర్‌ఎస్‌ (తెలంగాణ రక్షణ సేన) పార్టీ ఇన్‌ఛార్జిగా మండల పరిధిలోని దమ్మక్కపేట గ్రామానికి చెందిన కొకట్ల సంతోష్‌ కుమార్‌ నియమితులయ్యారు. తనపై నమ్మకంతో ఈ కీలక బాధ్యతలను అప్పగించిన పార్టీ ముఖ్య నాయకురాలు, మాజీ ఎంపీ శ్రీమతి కల్వకుంట్ల కవితకు ఆయన హృదయపూర్వక కృతజ్ఞతలు తెలిపారు.
ఈ సందర్భంగా కొకట్ల సంతోష్‌ కుమార్‌ మాట్లాడుతూ… నియోజకవర్గంలో పార్టీని క్షేత్రస్థాయి నుంచి మరింత బలోపేతం చేయడమే తన ప్రథమ కర్తవ్యమని పేర్కొన్నారు. ప్రజా సమస్యల పరిష్కారంలో ఎల్లప్పుడూ ముందుంటూ, స్థానిక ప్రజలకు నిరంతరం అందుబాటులో ఉంటానని స్పష్టం చేశారు. నియోజకవర్గ పరిధిలోని యువతను, కార్యకర్తలను సమన్వయం చేసుకుంటూ ముందుకు సాగుతానని, తన ఎదుగుదలకు సహకరించిన నాయకులకు, గ్రామ ప్రజలకు, పార్టీ శ్రేణులకు ప్రత్యేక ధన్యవాదాలు తెలియజేశారు.
