బాహు బలంన్యూస్ హుజూరాబాద్, ఆగస్టు 06:
హుజూరాబాద్ పట్టణంలో ఈ నెల 30న ‘సౌత్ ఇండియా ఓపెన్ కరాటే ఛాంపియన్షిప్’ పోటీలు ఘనంగా నిర్వహించనున్నట్లు నిర్వాహకులు తెలిపారు. ‘టైగర్ పంచ్ కరాటే క్లబ్’ ఆధ్వర్యంలో స్థానిక ఆర్టీసీ డిపో సమీపంలోని బి.ఎస్.ఆర్ (BSR) గార్డెన్స్లో ఈ పోటీలు జరగనున్నాయి.
పోటీల పర్యవేక్షణ, నిర్వహణ
సీనియర్ కరాటే మాస్టర్ బి. సమ్మయ్య పర్యవేక్షణలో నిర్వహించనున్న ఈ టోర్నమెంట్కు దక్షిణాది రాష్ట్రాల నుంచి పెద్ద సంఖ్యలో కరాటే క్రీడాకారులు, విద్యార్థులు, మాస్టర్లు హాజరుకానున్నారు. ఈ పోటీలకు డబ్ల్యూ.ఎఫ్.ఎస్.కే.ఓ (WFSKO) తెలంగాణ రాష్ట్ర అధ్యక్షుడు, బ్లాక్ బెల్ట్ 7త్ డాన్ రెన్షి వి. చంద్రశేఖర్ ముఖ్య న్యాయ నిర్ణేతగా (అఫీషియల్ రెఫరీ & జడ్జి) వ్యవహరిస్తారు.
సంప్రదించాల్సిన నంబర్లు
కరాటే క్రీడాకారులు, ఆసక్తి కలిగిన విద్యార్థులు ఈ అవకాశాన్ని వినియోగించుకోవాలని నిర్వాహకులు కోరారు. వివరాలు, నమోదు కోసం డబ్ల్యూ.ఎఫ్.ఎస్.కే.ఓ రాష్ట్ర ఉపాధ్యక్షుడు బి. బాపూరావు (9014054513), కరీంనగర్ జిల్లా అధ్యక్షుడు ఆర్. రాజ్కుమార్ (7396915292) లతో సంప్రదించాలని కోరారు.
