బాహు బలంన్యూస్ హుజురాబాద్, ఏప్రిల్ 27:
తెలంగాణ రాష్ట్ర ప్రగతికి ప్రతీక అయిన భారత రాష్ట్ర సమితి (బిఆర్ఎస్) 26వ ఆవిర్భావ దినోత్సవ వేడుకలు హుజురాబాద్ మండలంలోని రాంపూర్ గ్రామంలో అత్యంత వైభవంగా జరిగాయి. ఈ సందర్భంగా హుజురాబాద్ ఉప సర్పంచుల ఫోరం అధ్యక్షుడు వన్నాల శివాజీ గ్రామ కూడలిలో పార్టీ జెండాను ఆవిష్కరించారు.
తెలంగాణ ఆత్మగౌరవ జెండా.. మన గులాబీ జెండా
జెండా ఆవిష్కరణ అనంతరం వన్నాల శివాజీ మాట్లాడుతూ.. స్వరాష్ట్ర కాంక్షతో పుట్టిన గులాబీ జెండా, తెలంగాణ ప్రజల ఆత్మగౌరవానికి నిదర్శనమని కొనియాడారు. గత పదేళ్లలో రాష్ట్రాన్ని అభివృద్ధి పథంలో నిలిపిన ఘనత తమ పార్టీదేనని, ఈ జెండా ప్రతి కార్యకర్త గుండెల్లో ధైర్యాన్ని నింపుతుందని పేర్కొన్నారు. పార్టీ శ్రేణులందరికీ ఆయన ఆవిర్భావ దినోత్సవ శుభాకాంక్షలు తెలియజేశారు.
కార్యక్రమంలో పాల్గొన్న నాయకులు
ఈ కార్యక్రమంలో పార్టీ పట్ల అంకితభావంతో పనిచేస్తున్న పలువురు సీనియర్ నాయకులు మరియు కార్యకర్తలు ఉత్సాహంగా పాల్గొన్నారు. మాజీ ఎంపీటీసీ సురుకంటి సదానందం, సీనియర్ నాయకులు మూషం నరసింహస్వామి, ఇల్లందుల సంజీవ్, చింత హరీష్, రాజకుమార్, తాళ్లపల్లి రవీందర్, చేరాల రవీందర్, సురకుంటి రాజిరెడ్డి, మాతంగి అశోక్, బొగ్గుల వినయ్ తదితరులు పాల్గొన్నారు.
గ్రామ ప్రజలు భారీ సంఖ్యలో తరలివచ్చి ఈ వేడుకలను విజయవంతం చేశారు. జై తెలంగాణ, జై జై కేసీఆర్ నినాదాలతో రాంపూర్ గ్రామం మార్మోగింది.