ఐదవ వార్డు అభివృద్ధిని చూసి ఓటేయండి రాం సారయ్యను గెలిపించండి రాంపూర్ మూడవ వార్డు లో బీరువా గుర్తుకు ఓటు వేసి అభివృద్ధికి బాటలు వేయండి రామ్ సారయ్య విజ్ఞప్తి.

బాహు బలంన్యూస్ హుజూరాబాద్ డిసెంబర్ 13:హుజురాబాద్ మండలం,రాంపూర్ గ్రామ పంచాయతీ ఎన్నికల ప్రచారం చివరి దశకు చేరుకుంది. ఈ ఎన్నికల్లో అత్యంత కీలకంగా మారిన మూడో వార్డులో, గతంలో తన పనితీరుతో ఐదవ వార్డును ఆదర్శంగా తీర్చిదిద్దిన అనుభవం ఉన్న శ్రీ రాం సారయ్య , మూడో వార్డు సభ్యులుగా పోటీ చేస్తూ, ప్రజల మద్దతు కోరుతున్నారు. తాను కేవలం హామీలు ఇచ్చే నాయకుడిని కాదని, పని చేసి చూపించే నాయకుడిని అని రాం సారయ్య బలంగా చెబుతున్నారు. గతంలో ఆయన ఐదవ వార్డులో మాజీ వార్డు మెంబర్‌గా చేసిన అభివృద్ధి పనులే ఇందుకు నిదర్శనం. ప్రజల దైనందిన జీవితంలో కీలకమైన తాగునీరు, పటిష్టమైన మౌలిక సదుపాయాలు వంటి అంశాలపై ఆయన ప్రత్యేక దృష్టి సారించారు. ప్రతి ఇంటికి శుద్ధి చేసిన తాగునీటిని అందించాలనే సంకల్పంతో వాటర్ పైప్ లైన్ల వ్యవస్థను పటిష్టం చేశారు. అంతేకాకుండా, వర్షాకాలంలో ఇబ్బందులు లేకుండా అత్యంత నాణ్యతతో కూడిన సీసీ రోడ్లను, అలాగే మురుగునీరు సజావుగా వెళ్లేందుకు ఆధునిక డ్రైనేజీలను నిర్మించి, ఐదవ వార్డు రూపురేఖలనే మార్చేశారు. వీధుల్లో చీకటిని తరిమేస్తూ స్ట్రీట్ లైట్లు ఏర్పాటు చేయించారు. ముఖ్యంగా, గ్రామానికి ఆరోగ్యకరమైన వాతావరణాన్ని అందించే లక్ష్యంతో, మురుగు కూపాలుగా మారి దోమలకు ఆవాసంగా ఉన్న పాత బావులను యుద్ధప్రాతిపదికన పూడ్చివేయించడం జరిగింది. వార్డులోని ఖాళీ స్థలాలలో పెరిగి, అపరిశుభ్రతకు కారణమవుతున్న చెట్లను తొలగించి, రోడ్లు మరియు డ్రైనేజీలను నిరంతరం పరిశుభ్రంగా ఉంచడం ద్వారా, అన్ని వార్డులలోకెల్లా ఐదవ వార్డును ఉత్తమ వార్డుగా తీర్చిదిద్ది తన సామర్థ్యాన్ని నిరూపించుకున్నారు.
ఇప్పుడు, అదే నిబద్ధతతో, అదే అభివృద్ధి కాంక్షతో మన మూడో వార్డుకు సేవ చేయడానికి తాను సిద్ధంగా ఉన్నానని రాం సారయ్య ప్రకటించారు. మూడో వార్డు ప్రజలు తనను గెలిపిస్తే, ఐదవ వార్డుకు దీటుగా, ఈ వార్డును కూడా అద్భుతంగా తీర్చిదిద్దుతానని హామీ ఇచ్చారు. వార్డులో ఏ చిన్న సమస్య తలెత్తినా, దానిని వ్యక్తిగత సమస్యగా భావించి, సంబంధిత అధికారులను తక్షణమే సంప్రదించి, శాశ్వత పరిష్కారం చూపిస్తానని ఆయన గట్టిగా చెబుతున్నారు. అంతేకాకుండా, సమాజంలోని అన్ని వర్గాల సంక్షేమానికి కట్టుబడి ఉంటానని తెలియజేస్తూ, ఎస్సీల ఆత్మగౌరవాన్ని పెంచే ఎస్సీ కమ్యూనిటీ హాలు నిర్మాణానికి, అలాగే బీసీల ఐక్యతకు కృషి చేస్తూ, బీసీ కమ్యూనిటీ హాల్ నిర్మించడానికి తాను కృషి చేయడానికి సిద్ధంగా ఉన్నట్లు తెలిపారు. మన మూడవ వార్డు మరింత అభివృద్ధి చెందడాని కి, సమస్యలు లేని సుందర వార్డుగా మారడానికి, రాం సారయ్య వంటి నిరూపితమైన నాయకుడు అత్య వసరం. కావున, మన మూడో వార్డు ఓటర్లందరూ తమ అమూల్య మైన ఓటును ‘బీరువా’ గుర్తుకు ఓటు వేసి, నన్ను అత్యధిక మెజారిటీతో గెలిపించి, వార్డు సేవకుడిగా ఆశీర్వదించాలని ఆయన హృదయపూర్వకంగా కోరారు.