రాత్రి భోజనాల తర్వాత ఒకటీచర్ తన విద్యార్థులు రాసిన వ్యాసరచన పేపర్లను దిద్దడం ప్రారంభించింది…
ఆమె పిల్లలు పడుకున్నారు!
భర్త కుర్చీలో కూర్చొని తన స్మార్ట్ ఫోన్లో లీనమైవున్నాడు.
చివరి పేపర్ దిద్దాడానికి తీసి చదివిన ఆ టీచర్ నిశ్శబ్దంగా ఏడుస్తూ ఉంది.
ఆ వెక్కిళ్ళ శబ్దానికి భర్త తలతిప్పి చూసి ఆశ్చర్యపోయాడు!
“ఏమైంది? ఎందుకు ఏడుస్తున్నావు? ఏం జరిగింది?” అడిగాడతను టెన్షన్తో.
నిన్న నా సెకండ్ క్లాస్ విద్యార్థులకు హోంవర్క్ ఇచ్చాను. “మీరు ఏం కావాలనుకుంటున్నారు” అనే అంశంపై ఏదైనా రాసుకుని రమ్మని.
“అయితే…?”
“ఇదిగో! ఈ చివరి పేపర్ దిద్దుదామని చదువుతుంటే ఏడుపును ఆపుకోవడం నా తరం కావడంలేదు!!”
భర్త ఆసక్తిగా….”అంత ఏడిపించే విధంగా ఏం రాశాడు?”
ఆ విద్యార్థి హెడ్డింగ్ ఇలా పెట్టాడు
💥నేను స్మార్ట్ ఫోన్ అవ్వాలని నా కోరిక.💥
అమ్మానాన్నలు స్మార్ట్ ఫోను ను చాలా ప్రేమిస్తారు!
వాళ్ళు స్మార్ట్ ఫోనును చాలా కేర్ గా… శ్రద్ధగా…అత్యంత ఇష్టంగా చూసుకుంటారు. నాకన్నా ఎక్కువగా…!!
నాన్న ఆఫీసు నుండి అలసటతో వచ్చినప్పుడు, అతనికి స్మార్ట్ ఫోన్ రిలాక్స్ ను ఇస్తుంది.
అమ్మ పనులు ముగించుకొని స్మార్ట్ ఫోన్ లో లీనమై పోతుంది. అమ్మకు స్మార్ట్ ఫోన్ తో గడపడానికి సమయం ఉంటుంది. కానీ, నాతో కబుర్లు చెప్పడానికి లేదు! ఎందుకంటే స్మార్ట్ ఫోన్ లా నేను అమ్మకు రిలాక్స్ ఇవ్వలేను!
నాన్న స్మార్ట్ ఫోన్ లో గేమ్స్ ఆదుకోవడానికి సమయం ఉంటుంది. నాతో ఆదుకోవడానికి ఉండదు. ఎందుకంటే నాతో ఆడుకోవడం మా నాన్నకు రిలాక్స్ ను ఇవ్వడంలేదు!
అమ్మానాన్నలు ముఖ్యమైన పనుల్లో ఉన్నప్పుడు కూడా స్మార్ట్ ఫోన్ రింగౌతుంటే… ఒకటి రెండు రింగులు వచ్చేలోపే వాళ్ళు.. ఫోన్ చేతిలోకి తీసుకుని జవాబిస్తారు!
కానీ… నేను ఎన్నిసార్లు పిలిచినా దానికిచ్చే ప్రిఫరెన్స్ లో సగం కూడా నాకివ్వరు!! …
నేను ఏడుస్తూ వుంటే కూడా వాళ్ళు నాతో కాకుండా స్మార్ట్ ఫోన్లతో గడుపుతుంటారు!
వాళ్ళు నాతో కన్నా స్మార్ట్ ఫోన్లతో ఆడు కోవడాన్నే ఎక్కువ ఇష్టపడుతారు!
వాళ్ళు తమ స్మార్ట్ ఫోన్లో మాట్లాడుతున్నప్పుడు కథలు గేమ్స్ తో రిలాక్స్ అవుతున్నప్పుడు నేనేం చెప్పినా వినిపించుకోరు!
అది నాకు ఎంతో ముఖ్యమైన విషయమైనా సరే!
అదే ఒకవేళ నాతో మాట్లాడుతున్నప్పుడు రింగ్ వస్తే మాత్రం వెంటనే ఫోన్ కి జవాబిస్తారు!
అమ్మానాన్నలు
స్మార్ట్ ఫోన్ని చాలా కేర్ గా చూసుకుంటారు!
ఎప్పుడూ తమతోనే ఉంచుకుంటారు!
దానికి చాలా ప్రాధాన్యతనిస్తారు!
దాన్ని చాలా ఇష్టపడుతారు!!
దానితో ఎంతో రిలాక్స్ అవుతుంటారు!!
దానికి తమ ఖాళీ సమయాన్ని కేటాయిస్తారు!!
దానిని ఎపుడు ఎవరికి అప్పగించరు
నేను ఒకరోజు మాట్లాడకపోయినా బాధపడరు కానీ స్మార్ట్ ఫోన్ ఒక్కగంట పనిచేయకపోతే చాలా కంగారుపడతారు హడావిడి చేస్తారు!!
రాత్రి పడుకున్నప్పుడు కూడా
తమ ప్రక్కనే ఉంచుకుంటారు!!
ఉదయం లేవగానే మొదట దాన్నే చేతిలోకి తీసుకుంటారు!!
కాబట్టి! నా కోరిక ఏమిటంటే… నేను అమ్మానాన్న చేతిలో ఉండే స్మార్ట్ ఫోన్ కావాలనుకుంటున్నాను!!
భార్య చదువుతుంటే… విన్న భర్తకు మనసంతా పిండేసినట్లైంది!! అతని కళ్ళలో కూడా తడి వస్తుండగా…
“ఏ విద్యార్థి రాశారది? ” అడిగాడు భార్యని.
“మన కొడుకు” అంది భార్య తన కళ్ళల్లో నుండి ఆగకుండా వస్తున్న కన్నీరు తుడుచుకుంటూ !
వస్తువులను ఉపయోగించుకోవాలి!
బంధాలను ప్రేమించాలి!!
బంధాలకన్నా ఎక్కువగా వస్తువులపై బంధాన్ని ఏర్పరచుకుని ప్రేమించడం మొదలుపెడుతూవుంటే… క్రమంగా అన్ని బంధాలు వెనక్కి నెట్టివేయబడతాయి!……
ఇది నిజంగా జరిగిన కథ..
కాబట్టి ఇలాంటి కథలో తల్లిదండ్రులు మీరు కాకండి .!
మీరు అయి ఉంటే వెంటనే మిమ్మల్ని మీరు మార్చుకునే ప్రయత్నం చెయ్యండి..!!
దయచేసి ప్రతిఒక్కరూ ఆలోచించండి.!
