బాహు బలంన్యూస్ హుజురాబాద్ డిసెంబర్ 10: : హుజురాబాద్ మండలంలోని కాట్రపల్లి గ్రామ పంచాయతీ ఎన్నికల్లో 8వ వార్డు సభ్యురాలిగా ముప్పు లావణ్య – సహదేవ్ ఏకగ్రీవంగా ఎన్నికై చరిత్ర సృష్టించారు. ఎన్నడూ లేని విధంగా 8వ వార్డు ప్రజలు ఏకతాటిపైకి వచ్చి, గ్రామాభివృద్ధి కోసం నిబద్ధత చూపిస్తున్న లావణ్య సహదేవ్ను ఏకగ్రీవంగా ఎన్నుకున్నారు. ఈ సందర్భంగా ముప్పు లావణ్య సహదేవ్ మాట్లాడుతూ, కాట్రపల్లి గ్రామాభివృద్ధి కోసం, ముఖ్యంగా 8వ వార్డులో సాధ్యమైనంత కృషి చేస్తానని హామీ ఇచ్చారు. మురికి కాలువలు, రోడ్లు, స్ట్రీట్ లైట్స్, సీసీ రోడ్లు వంటి మౌలిక వసతుల కల్పనకు తాను ప్రాధాన్యతనిస్తానని తెలిపారు. ఈ హామీల పట్ల విశ్వాసం వ్యక్తం చేసిన ప్రజలకు ఆమె కృతజ్ఞతలు తెలియజేశారు. “నన్ను ఏకగ్రీవంగా ఎన్నుకున్న నా ప్రజలకు, నా శ్రేయోభిలాషులకు ధన్యవాదాలు. ప్రజల నమ్మకాన్ని నిలబెట్టి, వార్డును ఆదర్శంగా తీర్చిదిద్దేందుకు నిరంతరం శ్రమిస్తాను,” అని ఆమె పేర్కొన్నారు. ఈ ఏకగ్రీవ ఎన్నిక కాట్రపల్లి గ్రామ చరిత్రలో ఒక మైలురాయిగా నిలిచింది.
