బాహు బలంన్యూస్ హుజురాబాద్, జిల్లా మహిళా కాంగ్రెస్ అధ్యక్షురాలు కర్ర సత్య ప్రసన్న రెడ్డి జన్మదిన వేడుకలు శుక్రవారం హుజురాబాద్లోని కాంగ్రెస్ పార్టీ కార్యాలయంలో ఘనంగా జరిగాయి. హుజురాబాద్ పట్టణ మహిళా కాంగ్రెస్ అధ్యక్షురాలు యేముల పుష్పలత ఆధ్వర్యంలో నిర్వహించిన ఈ వేడుకల్లో, ప్రసన్న రెడ్డి కేక్ కట్ చేసి పంచిపెట్టారు.
ఈ సందర్భంగా పలువురు నాయకులు మాట్లాడుతూ, జిల్లా మహిళా అధ్యక్షురాలిగా కర్ర సత్య ప్రసన్న రెడ్డి పార్టీకి, ప్రజలకు అందిస్తున్న సేవలను కొనియాడారు. ముఖ్యంగా, మహిళా సాధికారత కోసం ఆమె చేస్తున్న కృషి అభినందనీయమని అన్నారు. హుజురాబాద్ పట్టణ మహిళా అధ్యక్షురాలు యేముల పుష్పలత మాట్లాడుతూ, “ప్రసన్న రెడ్డి ఆదర్శవంతమైన నాయకురాలు. ఆమె నాయకత్వంలో జిల్లాలో మహిళా కాంగ్రెస్ మరింత బలోపేతం అవుతుంది,” అని విశ్వాసం వ్యక్తం చేశారు. మండల మహిళా అధ్యక్షురాలు కూడా ఆమెకు హృదయపూర్వక జన్మదిన శుభాకాంక్షలు తెలిపారు.
ఈ కార్యక్రమంలో మండల అధ్యక్షులు కొల్లూరు కిరణ్, పట్టణ అధ్యక్షులు మేకల తిరుపతి, జిల్లా అధికార ప్రతినిధి సొల్లు బాబు, మాజీ మార్కెట్ కమిటీ చైర్మన్ తోట ప్రసాద్ సహా పలువురు సీనియర్ నాయకులు పాల్గొన్నారు. వీరితో పాటు బ్లాక్ అధ్యక్షురాలు ఆలేటి సుశీల, జిల్లా ఉపాధ్యక్షురాళ్ళు లావణ్య, సొల్లు సునీత, మల్లీశ్వరి, అలాగే మిడిదొడ్డి రాజు, ఎర్ర రవీందర్, కోడెం నర్సింగ్, కిరణ్ రెడ్డి, రామకృష్ణ, రియాజ్, రాధ, కల్పన వంటి అనేక మంది కార్యకర్తలు, అభిమానులు హాజరయ్యారు.
