బాహు బలంన్యూస్ హుజురాబాద్, జూన్ 13: హైదరాబాద్లో శుక్ర వారం రోజు బేడ బుడగ జంగం జన సంఘం రాష్ట్ర అధ్యక్షులు సిరిపాటి వేణు ఆధ్వర్యంలో నూతనంగా ప్రమాణ స్వీకారం చేసిన మంత్రులను మర్యాదపూర్వకంగా కలిసి శుభాకాంక్షలు తెలియజేశారు.
కార్మిక, ఉపాధి, శిక్షణ, ఫ్యాక్టరీ, మైనింగ్, జియాలజీ శాఖ మంత్రి గడ్డం వివేక్ వెంకటస్వామిని సిరిపాటి వేణు బృందం కలిసింది. అదేవిధంగా, ఎస్సీ, ఎస్టీ, మైనారిటీ శాఖ మంత్రి అట్లూరి లక్ష్మణ్ కుమార్కు కూడా శుభాకాంక్షలు తెలియజేశారు. పశుసంవర్ధక, పాడి అభివృద్ధి, క్రీడలు, యువజన సేవ శాఖ మంత్రి వాక్యటి శ్రీహరిని కూడా కలిసి తమ అభినందనలు తెలియజేశారు.
ఈ కార్యక్రమంలో రాష్ట్ర అధ్యక్షులు సిరిపాటి వేణుతో పాటు, రాష్ట్ర జాయింట్ సెక్రటరీ పత్తి భాషా శివ, రంగారెడ్డి జిల్లా అధ్యక్షులు కప్పెర జంగయ్య, రేవల్లి రాంబాబు, కొండపల్లి సమ్మయ్య, పస్తం రవీందర్ తదితరులు పాల్గొన్నారు.
