బాహు బలంన్యూస్ హుజురాబాద్, మే 22: హుజురాబాద్ మున్సిపాలిటీ పరిధిలోని ఇప్పలనర్సింగాపూర్ గ్రామంలో హనుమాన్ జయంతిని పురస్కరించుకొని వేడుకలు ఘనంగా నిర్వహించారు. ఈ సందర్భంగా హనుమాన్ దీక్ష స్వాముల ఆధ్వర్యంలో పలు ఆధ్యాత్మిక కార్యక్రమాలు జరిగాయి.
ముందుగా స్వామి వారికి అభిషేకం, ప్రత్యేక పూజ కార్యక్రమాలను నిర్వహించారు. గ్రామ ప్రజలందరూ పెద్ద సంఖ్యలో పాల్గొని భక్తిశ్రద్ధలతో పూజలు చేశారు. అనంతరం, హనుమాన్ జయంతిని పురస్కరించుకొని అన్నదాన కార్యక్రమం నిర్వహించారు. ఈ కార్యక్రమంలో భక్తులు, గ్రామస్తులు అధిక సంఖ్యలో పాల్గొని ప్రసాదం స్వీకరించారు. హనుమాన్ దీక్ష స్వాములు ఈ కార్యక్రమాలను పర్యవేక్షించారు.
