“నిజమైన ఆనందం ఏమిటంటే….”

“నేను మిమ్మల్ని స్వర్గంలో కలిసినప్పుడు, నేను మిమ్మల్ని గుర్తించి మీకు మరోసారి ధన్యవాదాలు చెప్పాలి.”
[ఒక వికలాంగుడి మాటలు భారతీయ కుబేరుడిని పరవశింప చేసాయి]

ఒకసారి ఒక ఇంటర్వ్యూలో భారతీయ బిలియనీర్ రతన్‌జీ టాటాను రేడియో ప్రెజెంటర్ ఇంటర్వ్యూ చేసినప్పుడు ఒక మాట అడిగాడు.
“సార్, జీవితంలో అత్యంత సంతోషాన్ని పొందినప్పుడు మీకు ఏమి గుర్తుకు వస్తుంది?”
అందుకు రతన్‌జీ టాటా ఇలా చెప్పారు.

“నేను జీవితంలో సంతోషం యొక్క నాలుగు దశలను దాటాను. చివరకు నిజమైన ఆనందం అంటే ఏమిటో నేను అర్థం చేసుకున్నాను… మొదటి దశ, సంపద మరియు వనరులను కూడబెట్టుకోవడం. కానీ ఈ దశలో నేను కోరుకున్నంత ఆనందం లభించలేదు. రెండవ దశ… విలువైన వస్తువులు మరియు వస్తువులను సేకరించడం. కానీ ఈ వస్తువుల యొక్క ప్రభావం కూడా తాత్కాలికమైనదని మరియు విలువైన వస్తువుల మెరుపు ఎక్కువ కాలం ఉండదని నేను గ్రహించాను. అప్పుడు మూడవ దశ వచ్చింది… అది ఒక పెద్ద ప్రాజెక్ట్ పొందడం. తద్వారా నాకు ఇండియా మరియు ఆఫ్రికాలో 95% డీజిల్ సరఫరా ఉండేది. నేను భారతదేశం మరియు ఆసియాలో అతిపెద్ద ఉక్కు కర్మాగారానికి యజమానిని కూడా అయ్యాను. కానీ ఇక్కడ కూడా నేను ఊహించినంత ఆనందం లభించలేదు. ఇకయనాల్గవ దశ ఏమిటంటే…, కొంతమంది వికలాంగ పిల్లలకు, దాదాపు 200 మంది పిల్లలకు వీల్ చైర్స్ కొనివ్వమని నా స్నేహితుడు నన్ను కోరాడు. స్నేహితుడి కోరిక మేరకు వెంటనే 200 వీల్ చైర్లు కొనేసి, తీసుకెళ్ళి ఇవ్వమన్నాను. కానీ నా మిత్రుడు ఏమన్నాడంటే…. నేను కూడా అతనితో వెళ్లి ఆ పిల్లలకు వీల్ చైర్లు తన చేతులతోనే ఇవ్వమని పట్టుబట్టాడు. సరేనని నేను రెడీ అయ్యి అతనితో వెళ్ళాను. అక్కడ ఆ పిల్లలకు ఈ చక్రాల కుర్చీలను నేనే నా చేతులతో ఇచ్చాను. అప్పుడు ఆ పిల్లల ముఖాల్లో విచిత్రమైన ఆనందం కనిపించింది. వాళ్లంతా వీల్‌ఛైర్స్ లో కూర్చుని సరదాగా తిరగడం చూశాను. తరువాత వారితో కలిసి ఒక పిక్నిక్ స్పాట్‌కు చేరుకున్నాము. అక్కడ వారు వీల్ ఛైర్లతోనే ఒక రన్నింగ్ రేస్ పెట్టుకున్నారు. గెలిచిన వారికి బహుమతిగా ఇచ్చిన డబ్బులను విచిత్రంగా అందరూ సమానంగా పంచుకుని పండగ చేసుకున్నారు.

అది చూశాక నా లోపల వింత అనుభూతి కలిగింది. నిజంగా అప్పుడు నేను నిజమైన, అపూర్వమైన ఆనందాన్ని అనుభవించాను. ఆతర్వాత నేను బయలుదేరాలని నిర్ణయించుకున్నప్పుడు, ఆ పిల్లలలో ఒకడు నా కాలు పట్టుకున్నాడు. నేను నెమ్మదిగా నా కాళ్ళను విడిపించుకోవడానికి ప్రయత్నించాను. కానీ ఆ పిల్లవాడు నా ముఖం వైపు చూస్తూ నా కాళ్ళను ఇంకా గట్టిగా పట్టుకున్నాడు.

నేను వంగి పిల్లవాడిని ఇలా అడిగాను: “మీకు ఇంకా ఏమైనా కావాలా?” అంటే…
అప్పుడు ఆ పిల్లవాడు ఇచ్చిన సమాధానం నన్ను దిగ్భ్రాంతికి గురిచేయడమే కాకుండా జీవితంపట్ల నా దృక్పథాన్ని పూర్తిగా మార్చేసింది.

ఇంతకీ ఆ పిల్లవాడు ఏమన్నాడంటే…
“దయచేసి మిమ్మల్ని ఇంకొంతసేపు ఇలా దగ్గరగా చూడనివ్వండి. ఎందుకంటే నేను మీ ముఖాన్ని బాగా గుర్తుంచుకోవాలి అనుకుంటున్నాను.” అన్నాడు కృతజ్ఞత నిండిన మెరిసే కళ్ళతో. “ఏం ఎందుకలా?” అని నేనంటే… “మిమ్మల్ని మళ్ళీ నేను స్వర్గంలో కలిసినప్పుడు, అక్కడ మిమ్మల్ని బాగా గుర్తించగలను. మరియు ఇంకోసారి మీకు ధన్యవాదాలు చెప్పగలను.. అందుకే” అన్నాడు.

ఆ మాటలు వింటుంటే… అప్పుడు.. అప్పుడే… నాకు అసలైన ఆనందం అంటే ఏమిటో, అది ఎక్కడ ఉంటుందో అర్థమయ్యింది.” అన్నారు రతన్ టాటా.
====////====////===
_[ఇప్పుడు దాదాపు మనందరం సంపదలు ఉంటేనే ఆనందం అనే భ్రమలో ఉంటూ అసలైన ఆనందాన్ని తాకట్టు పెట్టి సంపదలను పోగేసుకుంటున్నాం. కానీ కోట్లు కూడబెట్టిన కుబేరులు చెప్పే ఇలాంటి మాటలు వింటే మనకు కనువిప్పు కలిగిస్తాయి. ******RBS*****