(సబ్బని వెంకటస్వామి బాహుబలం ప్రతినిధి)
నీట్ పరీక్షను రద్దు చేయాలని ఆల్ ఇండియా స్టూడెంట్స్ బ్లాక్ ఉమ్మడి కరీంనగర్ జిల్లా కన్వీనర్ కొలుగూరి సూర్య కిరణ్ డిమాండ్ చేశారు ఈ సందర్భంగా హుజరాబాద్ పట్టణంలో ఏర్పాటు చేసిన విలేకరుల సమావేశంలో ఆయన మాట్లాడుతూ నీట్ పరీక్షలో 67 మంది విద్యార్థులకు ఒకే మార్కులు ఎలా వచ్చాయని నీట్ పరీక్ష పేపర్ లీకేజీ వ్యవ హారంపై సిట్టింగ్ జడ్జితో విచారణ జరిపించాలని డిమాండ్ చేశారు.నేషనల్ టెస్టింగ్ ఏజెన్సీ (NTA )సంస్థను రద్దు చేయాలని తక్షణమే కేంద్ర ప్రభుత్వం స్పందించి విద్యార్థు లకు న్యాయం చేయాలని వివిధ రకాల పరీక్షలకు యువత రేయిం బవలు కష్టపడి చదువుతున్నారని విద్యార్థుల తల్లిదండ్రులు అన్నీ త్యాగం చేసి వారి కోసమే బతుకుతున్నారని పరీక్షల్లో అవక తవకలతో విద్యార్థుల శ్రమ వృధా అవుతుందని ఆవేదన వ్యక్తం చేశారు.విద్యావ్యవస్థను బ్రష్టుపట్టించి లక్షలాది మంది విద్యార్థుల జీవితాలతో చెలగాటమాడు తున్న కేంద్ర విద్యాశాఖ మంత్రి ధర్మేంద్ర ప్రధాన్ వెంటనే రాజీనామా చేయాలని నీట్ పరీక్షను మళ్లీ నిర్వహించాలని డిమాండ్ చేశారు.లేనిపక్షంలో ఎక్కడికక్కడ బిజెపి ఎంపీలను కేంద్ర మంత్రుల ఇళ్లను ముట్టడిస్తామని హెచ్చరించారు ఈ కార్యక్రమంలో ఆల్ ఇండియా స్టూడెంట్స్ బ్లాక్ నాయకులు కుక్కముడి రాజేష్ దుర్గం బాలు నాయిని జనార్దన్ ఉట్ల ప్రతీక్ వెంకటేష్ తదితరులు పాల్గొన్నారు.
