బాహు బలంన్యూస్ రేగొండ, డిసెంబర్ 22 :
చిన్ననాటి స్నేహం వెలకట్టలేనిదని, కాలం గడిచినా ఆ బంధం మరింత దృఢంగా మారుతుందని ములుగు జిల్లా జూబ్లీనగర్ స్నేహితులు నిరూపించారు. జూబ్లీనగర్‌కు చెందిన సనుగోజు మాధవి-కృష్ణమూర్తి దంపతుల కుమార్తె శాన్విత నూతన వస్త్ర అలంకరణ వేడుక సోమవారం అత్యంత వైభవంగా జరిగింది. ఈ వేడుకకు కృష్ణమూర్తి పదవ తరగతి సహాధ్యాయులు భారీ సంఖ్యలో హాజరై, తమ చిన్ననాటి మిత్రుడి పట్ల ఉన్న మమకారాన్ని చాటుకున్నారు.
ప్రత్యేక ఆకర్షణగా పదవ తరగతి మిత్రుల సమూహం
ఏళ్లు గడిచినా, జీవితంలో ఎవరి దారి వారు చూసుకున్నా.. స్నేహం ముందు అందరూ ఒకటేనని నిరూపిస్తూ పదవ తరగతి మిత్రులంతా ఒకే చోట చేరారు. నూతన వస్త్రాలంకరణలో ముస్తాబైన చిన్నారి శాన్వితను దీవిస్తూ, మిత్రులందరూ కలిసి అందించిన కానుకలు, వారి ఆత్మీయ పలకరింపులు వేడుకలో ప్రత్యేక ఆకర్షణగా నిలిచాయి. పాత జ్ఞాపకాలను నెమరువేసుకుంటూ వారు గడిపిన సమయం అక్కడి వారందరినీ ఆకట్టుకుంది.
ప్రజా ప్రతినిధులుగా గెలిచిన మిత్రులకు ఘన సన్మానం
ఈ వేడుక కేవలం ఒక శుభకార్యానికే పరిమితం కాకుండా, విజయాల వేదికగా కూడా మారింది. ఇటీవలి ఎన్నికల్లో ఘన విజయం సాధించిన తోటి మిత్రులను ఈ సందర్భంగా స్నేహితులు ఘనంగా సన్మానించారు:
జయశంకర్ భూపాలపల్లి జిల్లా రేగొండ మండలం దమ్మన్నపేట సర్పంచ్‌గా ఎన్నికైన జి. రజినీకాంత్ను మిత్రబృందం శాలువాతో సత్కరించి అభినందనలు తెలిపింది.
అదేవిధంగా రాయపల్లి గ్రామానికి చెందిన అంకం రమేష్ వార్డు మెంబర్‌గా గెలుపొందినందుకు ఆయనను ప్రత్యేకంగా సన్మానించారు.
పాల్గొన్న ముఖ్యులు:
ఈ కార్యక్రమంలో బి.శ్రీనివాస్, వి.శివకృష్ణ, ఎం.శ్రీకాంత్, జి.ప్రవీణ్, ఓ.స్వప్న, ఎం.రాజు, కే.అరుణ్, ఎన్.శరత్, కే.భాగ్యలక్ష్మి, టీ.పరమేష్, ఎం.సందీప్, బి.సతీష్, బి.లావణ్య, బెజ్జంకి సతీష్, ఎం.ఓదెలు, ఏ.అనిల్, ఎం.స్వర్ణలత, బి.ప్రవళిక, జి.సమత, ఎం.కవిత, సిహెచ్.కిరణ్, ఈ.స్వప్న, వి.రామకృష్ణ, వి.సతీష్, జి.శ్రీకాంత్, ఇప్పకాయల సాగర్, పి.రజిత, సిహెచ్.రాజు, వి.రమాదేవి, ఎం.రజినీకాంత్, నర్మద తదితర మిత్రులు పాల్గొని వేడుకను విజయవంతం చేశారు.
