బాహు బలంన్యూస్ హుజూరాబాద్ సెప్టెంబర్ 08; హుజురాబాద్ మండలం, కాట్రపల్లి గ్రామానికి చెందిన కన్న ప్రతాప్ గౌడ్ ఇటీవల అనారోగ్య కారణాలతో మరణించారు. ఈ నేపథ్యంలో, తెలంగాణ మాదిగ పరిరక్షణ సమితి అతని కుటుంబ సభ్యులను పరామర్శించి, ఆర్థిక సాయం అందించింది.
సోమవారం తెలంగాణ మాదిగ పరిరక్షణ సమితి జిల్లా అధ్యక్షులు ఎర్ర కుమార్, మండల అధ్యక్షులు పొడిశెట్టి రాజకుమార్ ఆధ్వర్యంలో పరామర్శ కార్యక్రమం జరిగింది. ఈ కార్యక్రమంలో భాగంగా మృతుడు ప్రతాప్ గౌడ్ కుటుంబ సభ్యులను ఓదార్చి, వారికి ధైర్యం చెప్పారు. ఆర్థికంగా ఇబ్బందులు పడుతున్న ఆ కుటుంబానికి కొంత నగదు సాయం కూడా అందించారు.
ఈ కార్యక్రమంలో హనుమండ్ల నవీన్ రెడ్డి, కొండపాక రాము, రెంటాల రాజకుమార్ కరాటే, దేవునూరు మధుకర్, గొర్రె దేవానంద్ తదితరులు పాల్గొన్నారు. వీరంతా గ్రామంలో చనిపోయిన ప్రతాప్ గౌడ్ కుటుంబానికి అండగా ఉంటామని హామీ ఇచ్చారు.
