బాహు బలంన్యూస్ హైదరాబాద్ ప్రతినిధి:
కర్నూలు, మే 20: ఆంధ్రప్రదేశ్ రాష్ట్రంలోని వడ్డెరలను షెడ్యూల్డ్ తెగల (ఎస్టీ) జాబితాలో చేర్చాలని జాతీయ వడ్డెర సంఘం నాయకులు డాక్టర్ బత్తుల సంజీవరాయుడు డిమాండ్ చేశారు. కర్నూలులో జరిగిన రాయలసీమ ఒడియా రాజుల ప్రతినిధుల సమావేశంలో ఈ మేరకు తీర్మానించారు.
వడ్డెర సంఘ భవనంలో జరిగిన ఈ సమావేశానికి సూర్యవంశపు కాలసూర్య శ్రీ రాజా వీర దేవరాజు (బెంగళూరు) ముఖ్య అతిథిగా హాజరయ్యారు. బత్తుల లక్ష్మీకాంతయ్య (వడ్డెర సంఘం రాష్ట్ర అధ్యక్షులు), మక్కల శ్రీనివాసులు (కర్నూలు జిల్లా వడియరాజుల సంక్షేమ సంఘం అధ్యక్షులు), వి. వెంకటయ్య (కర్నూలు జిల్లా సిటీ ప్రెసిడెంట్) తదితరులు పాల్గొన్నారు.
సమావేశంలో పలు కీలక అంశాలపై చర్చించారు. క్రీస్తుశకం 1434 నుంచి 1541 వరకు సూర్యవంశపు ఒడియ రాజుల పాలన గురించి చలనచిత్ర ప్రదర్శన ద్వారా వివరించారు. వడ్డెర్ల సుస్థిర జీవన స్థితిగతులు, ప్రభుత్వాల సహకారం, ఆంధ్రప్రదేశ్ రాష్ట్రంలో వడ్డెర్ల ఆర్థిక, సామాజిక, విద్యా, ఉద్యోగ, రాజకీయ అవకాశాలపై సుదీర్ఘంగా చర్చించారు.
ముఖ్యంగా, ఆంధ్ర రాష్ట్రంలో వడ్డెరలను ఎస్టీ జాబితాలో చేర్చడానికి కార్యాచరణ ప్రణాళికను రూపొందించారు. వడ్డెర కార్పొరేషన్‌కు రూ. 250 కోట్ల నుంచి రూ. 500 కోట్ల బడ్జెట్‌ను కేటాయించాలని, మైనింగ్ గనులలో వడ్డెర్లకు 25 శాతం రిజర్వేషన్ కల్పించాలని, కాంట్రాక్టు పనులలో 15 శాతం నామినేషన్ పద్ధతిన డిపాజిట్ లేకుండా కేటాయించాలని సమావేశంలో పాల్గొన్న నాయకులు డిమాండ్ చేశారు.
ఈ సమావేశంలో చర్చించిన అన్ని అంశాలను క్రోడీకరించి ఆంధ్రప్రదేశ్ ముఖ్యమంత్రి శ్రీ నారా చంద్రబాబు నాయుడుకి సమర్పించనున్నట్లు డాక్టర్ బత్తుల సంజీవరాయుడు తెలిపారు.
ఈ సమావేశంలో కుంచపు శ్రీనివాసులు (జిల్లా ప్రచార కార్యదర్శి, కర్నూలు జిల్లా ఒడియ రాజుల సంక్షేమ సంఘం), డేరంగుల లక్ష్మీనారాయణ (జిల్లా వడ్డెర సంఘం నాయకులు), కుంచపు జానకిరామ్ (రాష్ట్ర వడ్డెర సంఘం నాయకులు), పల్లపు నాగేశ్వరరావు (జిల్లా వడ్డెర సంఘం నాయకులు), శిల్పి సుబ్బరాయుడు, బ్యాంకు నాగరాజు, గుంజా వెంకటస్వామి, డీవీ చంద్ర, వెంకటేశ్వర్లు, భైరవ, నడిపి వెంకటేశ్వర్లు, బట్టల అంగడి సుబ్బరాయుడు, బ్రహ్మంగారిమఠం నుండి రామాంజనేయులు, చంద్రిక, శిల్పి రాజు, పలుకూరు శివకృష్ణ, బత్తుల పృథ్వీరాజు, వెంకటేశ్వర్లు తదితరులు పాల్గొన్నారు.
