బాహుబలంన్యూస్ కరీంనగర్ సెప్టెంబర్ 24;
అంబేద్కర్ ఓపెన్ యూనివర్సిటీ వైస్ ఛాన్సలర్ ప్రొఫెసర్ ఘంటా చక్రపాణి సోదరుడు ఘంటా అశోక్ సత్యనారాయణ ఇటీవల మృతి చెందిన విషయం తెలిసిందే. ఈ నేపథ్యంలో, బుధవారం కరీంనగర్లోని సీతారాంపూర్‌లో గల కేఆర్ గార్డెన్స్‌లో జరిగిన ఆయన దశదినకర్మకు పలువురు ప్రముఖులు హాజరయ్యారు.
ఈ కార్యక్రమానికి తెలంగాణ పంబాల సంఘం సీనియర్ నాయకులు తరలివచ్చి ఘంటా చక్రపాణి, సత్యనారాయణ కుటుంబ సభ్యులను పరామర్శించారు. వారిలో కొరిమి నరసింహ స్వామి, గుంటి భిక్షపతి, కొరిమి పితాంబర్, శ్రీనివాస్, నవీన్ తదితరులు ఉన్నారు. ఈ సందర్భంగా వారు ఘంటా అశోక్ సత్యనారాయణ చిత్రపటానికి పూలమాలలు వేసి ఘనంగా నివాళులర్పించారు.
మిత్రుడిని కోల్పోవడం పట్ల తమ సంతాపాన్ని వ్యక్తం చేస్తూ, ఈ కష్ట సమయంలో కుటుంబానికి అండగా ఉంటామని పంబాల సంఘం నాయకులు హామీ ఇచ్చారు. అశోక్ సత్యనారాయణ ఆత్మకు శాంతి కలగాలని ప్రార్థించారు.
